Satellite Internet Service
Hit Counter

7/13/2004

Iðnaðarmaðurinn
Ekki komst undirrituð upp með það að mæta ekki aftur til starfa í Skútu Kapteins. Haldið var áfram við parketlögnina og vorum við færari síðari daginn. Lögðum af fullum krafti þess á milli sem við hummuðum með gömlum vinsælum smellum í viðtækinu og rifjuðum upp tímana tvenna.
En nú er parketið komið á og þá flaug vinnuveitandinn til útlanda og verða önnur iðnaðarstörf að bíða um viku. Þetta finnst iðnaðarmanninum frekar léleg vinnubrögð að rjúka til þegar verkið er hálfnað en hvað um það. Ég bíð þá bara á meðan. Fjölgað hefur í myndasafni um Framkvæmdir á Skútu Kapteins.