Satellite Internet Service
Hit Counter

11/25/2003

Jóin-jóin-aaaaallstaðar............ Já. Vaknaði í morgun og leit út um stofugluggan í Safamýrinni. Þar var ekkert að sjá, Hallgrímskirkjan mér hulin svo og Perlan og turn Sjómannaskólans. Veturinn var loksins komin - ég hafði verið bænheyrð. Um mig hríslaðist notarleg barnsleg tilfinning er ég horfði á stór snjókorn falla hægt til jarðar og hvernig þessar litlu agnir komust í uppnám við minnstu vindstroku. Og á augnarbliki var ég í senn komin í jóla-og prófskapið. Þarna kom það! Með sýnilegri komu Kára vetrarkóngs var ég til í að leggjast yfir skruddurnar með þykkt og heitt kaffi, keyptar piparkökur, mandarínur, kertaljós og jólatónlist! Fimm próf framundan og er ég komin í baráttuhug gegn krossaprófum og skilgreiningum. Og er ég labbaði út og hlustaði á marrið í snjónum undan skónum mínum langaði mér að finna góða brekku, draga fram plastpokann og renna niður eina salibunu.


Var að vinna verkefni um daginn og vorum við að leyta að skemmtilegu myndefni fyrir fyrirlestur og hér til hliðar má sjá afraksturinn af því. Ef einhverjir eru hræddir um að komast ekki í jólaskapið skulu þeir endilega líta við á þessum síðum - alveg merkilegt hvað fólk gerir sér til dundurs!!!

Gleðilegan próftíma!!!!!!