Satellite Internet Service
Hit Counter

8/28/2003

Jah, alveg er það ótrúlegt hvernig mannskepnan getur hagað sér. Ingibjörg Sólrún ætlar að hirða stól Össurs, en samt að leyfa honum að njóta sín í tvö ár til viðbótar meðan hún fer og menntar sig. Skulum við nú vona að hún velji sér almennilega kúrsa, konan, og komi heim frísk og spræk með nýjar hugmyndir í pokahorninu. Annars er það vita vitlaust að vera eltast við þessar skoðanakannanir og vona ég nú að konan læri það þarna í útlandinu. Enn vesnar það, ferðamannaiðnaðurinn bara að fara í vaskinn.......útlendingar hætta að sækja landann heim og íslenskar afurðir ekki nægjanlega góðar á erlendum markaði. Og hvers vegna? Jú, að sjálfsögðu, við erum farin að skjóta hvali!! Þvílík endemis mannvonska og villimannsháttur! Við höfum leyfi til að drita niður skítnum 35 (eða eitthvað) hrefnum og það ætlum við að gera með köldu blóði. Hvað eru erlendar þjóðir að vasast í okkar málum??? Þetta eru örfáar skepnur, skotnar til vísinda....ekki eins og við ætlum að fara að þvælast um öll höf eins og einhverjir bavíanar. Og ekki eins og hvalurinn sé síðasti geirfuglinn!!! Ég er svo vita gáttuð á þessum umræðum sem eru í gangi og öllu þessu fjaðrafoki að ég má vart mæla.....og er þá mikið sagt. Ég held nú að breskir ráðherrar ættu nú að hafa áhyggjur af einhverju öðru heima hjá sér en hvalveiðum lítillar eyjar. Og bandaríkjamenn....almáttugur minn og öll hans fjölskylda.... við ættum kannski að hætta að ferðast til Ameríku vegna þess að þeir skjóta menn í Írak!! Stríðið á enda en samt hafa fleiri menn fallið nú en í öllu stríðinu...er ekki allt í lagi heima hjá þessu fólki??
Eitt af þeim málum sem hafa komið upp í umræðunni um grimmúðlegar hvalveiðar okkar er hve mikið hver hrefna kvelst þegar hún er veidd. Sko......laxveiðar......hmmmm..skoðum það aðeins. Nú er það móðins og göfugmannlegt að fara á fluguveiðar....fá lax á öngulinn....þreyta hann svolítið....eiginlega alveg að ganga frá honum....ná laxarræflinum á land...losa öngulinn úr blóðugum munni dýrsins og svo er honum sleppt aftur í ánna......hálf dauðum!!! Þetta er ekki grimmúðleg veiðiaðferð...nei...göfugmannleg!! Og enginn segir neitt við þessu!!
Ég segi: veiðum þessar hrefnur sem við höfum leyfi til að veiða og ekkert röfl, punktur!!

“Ó, dásamlega, dásamlega, óumræðilega dásamlega, dásamlega og aftur dásamlega-
ég hlýt að hrópa það aftur og aftur og aftur.”
(Shakespeare)

8/25/2003

Jæja, hef nú loksins losnað við ritstíflupúkann og mæti aftur galvösk og til í tuskið, að kvarta og kveina, röfla og væla og rugla og bulla. Síðasta föstudag var síðasti vinnudagurinn að þessu sumri á leikskólanum og var ég ekki beint kvödd heldur frekar: “sjáumst næsta vor” kveðja. Aldrei að vita. Svo er nú komið fyrir mér að ég er farin að kljást við hálfgerða fyrirtíðaspennu..... hvurn skrattann á mar að gera næsta vor???? Þá verður maður útskrifaður úr kennó og samkvæmt bókinni að takast á við heiminn eins og hann er s.s. að fullorðnast og taka ábyrgð á gjörðum sínum og lífi. Ég meina, núna er mar bara fátækur námsmaður og kemst ansi langt á því en eftir ár verður mar orðin manneskja með “háskólagráðu” og þá fer maður ósjálfrátt á einhvern annan stall og þá verða gerðar til manns kröfur. Núna gerir ekki nokkur maður sérstakar kröfur til mín, nema skólinn, svo að breytingarnar verða ansi miklar. Hvað ætli fólki mundi finnast ef ég leigði mér bara bóndabæ einhverstaðar inn í afdalasveit og væri þar bara, að loknu námi, með nokkrar púddur að skrifa bara eða vinna einhverja vinnu sem er ekki beint “sýnileg” mannskapnum?? Væri það að fara yfir línuna......” Jé, hún Gunnur er nú alveg ga-ga þessa dagana....búin að loka sig af á einhverjum ógeðslegum sveitabæ þar sem engin er nema fuglinn fljúgandi og ég get svo svarið það að heimreiðin er moldarvegur.....ég held að hún hafi bara hreinlega lesið yfir sig eða eitthvað!” Eða að fara erlendis og reyna að bjarga heiminum. Finna sér eitthvert krummaskuð og vinna mannúðarstarf?? Jah, maður verður náttúrlega komin með B.ed.gráðuna!!!! En þá eru það allar sprauturnar og flugið og flugurnar og allskonar vesen. Fyrir utan það að ég stórefa að ég hafi kjark í svoleiðis vinnu....er nú fjandi meir inn við beinið...ótrúlegt en satt!!!
Þannig að enn og aftur verður niðurstaðan af þessu spjalli mínu sú að mjólk er góð....ííísköld....og það fær mar nú ekki í þróunarlöndunum.