Satellite Internet Service
Hit Counter

8/05/2003

“Þegar kartöflurnar fara að mygla hætta þær að vera fyrsta flokks.....” Söng maður sem var talinn afskaplega heiðvirtur, atorkusamur, fyndinn, “söngelskur”, og .....duglegur!!!! Maðurinn bjó á litilli eyju þar sem hann gat sankað að sér dýrgripum, lagað og ditt að villu sinni í ró og næði. Engin abbaðist upp á manninn á litlu eyjunni enda þóttu eyjaskeggjum maðurinn vera heiðvirtur, atorkusamur, fyndinn “söngelskur” og ......duglegur!!!! Jú, sannalega var maðurinn duglegur og kannski má segja að hann hafi verið full duglegur. Allavega svo atorkusamur að nú hefur hann staðið fyrir framan dómarann og hlustað á dóm sinn sem hann skal taka út í fangavist. Svoleiðis starfar þjóðfélagið. Við höfum reglur um hvað er rétt og hvað er rangt. Þegar maður gerir rangt og sérstaklega þegar maður gerir oft mjög rangt þá þarf maður að reyna að bæta fyrir brot sitt með háum fjársektum og fangavist. Þegar maður fer í svona fangelsi þá er maður sviftur frelsinu. Maður fær ekki að fara á kringlukast í Kringlunni. Sumir sem hafa verið í fangelsi hafa verið ástfangnir og sótt um að fá að fara í bíó með elskunni sinni..... það er bannað!! Sumir hafa sótt um að fá að fara á jarðaför en nei....það er bannað!!! Svo er það þessi maður sem sótti um að fá að syngja á drykkjumannasamkomu á litlu eyjunni sinni. Og meira að segja reyndu eyjaskeggjar að fá hann til sín til að syngja fyrir lýðnum. En nei.... það er bannað!!! Auðvitað er það bannað!! Maðurinn er í fangelsi og enginn menningarviðburður getur verið orsök þess að maðurinn fái frelsi þó það sé bara í nokkrar klukkustundir. Það að sú hugmynd að maðurinn sem er í fangelsinu fái að fljúga til litlu eyjunnar er fáránleg. Og að eyjaskeggjar hafi virkilega lagt sitt að mörkum til að það sé hægt er enn fáránlegra. Það eru allir orðnir vanir því að maðurinn taki upp á furðulegum hlutum er undarlegt að hann fái slíkar undirtektir. Ekki er ég hissa að aðrir fangar hafi sótt um að fá að taka þátt í herlegheitunum á eyjunni. Auðvitað er það bannað. Annað atkvik veldur mér hugarangri.... en það er að fá þyrlu til að flytja orðsendingu mannsins á samkomuna. Hver borgar það??? Og að maðurinn hafi virkilega látið lesa upp orðsendingu sýna fyrir drukknum lýðnum er óborganlegt. Þegar maður er sendur í fangelsi þá er það nú þannig að í raun er verið að segja: Sestu, þegiðu og skammast’ín !!!!! Sumir ættu að prófa það!!

Gleðilega vinnuviku!