Satellite Internet Service
Hit Counter

6/24/2003

Hefur það komið mér á óvart hve mikla athygli tískupistill minn hefur fengið. Hef ég fengið send kveðjubréf frá konunni erlendis frá og þakkar hún skilgreinilegar lýsingar á tískuháttum íslendinga og skilst mér á bréfi hennar að hún sé steinhætt við að henda nokkrum hlut úr fataskáp sínum og helst draga fram gömlu málningarfötin sem ku vera móðins í dag. Einnig hafa þau stóru atburðir gerst að eftir lestur á tísku landans brá Sérann sér út í næstu búð og keypti sér nýjar dræsur.....tískudræsur og er allt annað að sjá guðsmanninn!!

Nú hefur lesendahópur þessa bloggs stækkað og vil ég óska þeim hjartanlega fyrir hlý orð í mín garð og hve ánægð ég er að það eru fleiri sem hafa jafn smekklegan (eða ósmekklegan) húmor og ég. Gott er að vita að maður er ekki alveg síðasti Geirfuglinn hvað varðar hágæða húmors og rammíslenskt spaug. Tuð, kvart og kvein er okkur í blóð borin og hafa íslendingar aldrei verið taldir sérstaklega bjartsýnir en óheppni náungans ætíð gott skemmtiefni.