Satellite Internet Service
Hit Counter

5/10/2003

Málsháttur Vestra felur í sér sannann sannleik: Margur bóndinn hefur sinn djöful að draga. Nokkuð til í þessu. Allavega hafa djöflar Höfðabóndans verið nokkrir og suma daga má sjá bóndann rogast áfram með allt sitt í gömlu baggabandi hangandi á eftir sér.

Nú er kosningadagur og vona ég að allir hafi nú nýtt sér rétt sinn svo og kosið rétt.... þó svo að ég viti alveg að hluti af mínum lesendahóp hefur EKKI kosið rétt og mun ég taka mér næstu fjögur ár í að jafna mig á því. Nei – nei!! Ég er bóndinn með réttlætiskenndina og tönglast statt og stöðugt um hve mikilvægi misjafna skoðana eru nauðsynlegar svo ég mun kyngja flest öllu varðandi “veikleika” lesendahópsins.... ef svo má orða það.

Mikið hefur gengið á hjá bóndanum undanfarna daga. Karlinn er fluttur enn og aftur og verður heyskapur lítill á Höfðanum þetta sumarið en sjá má bóndann örugglega í hverfi Framara með orf sinn og ljá því á ættarsetrið er karl enn og einu sinni komin. Auk þess hefur skólinn sagt sitt síðasta orð þetta árið og er karlinn staðinn upp frá skólabekknum. En félagsmálin og alþjóðamálin hafa hertekið hugann og hefur bóndinn oftar en ekki sést tölta yfir holtið með alla sína djöfla í eftirdragi til að sinna þeim verkum á skrifstofu SKHI. En eigi hafa þær stundir verið slæmar vegna öndvegis félagsskapar sérans sem hefur setið lafsveittur við pretikunarskrifin og er alveg merkilegt hvað dettur EKKI upp úr séranum. Auk þess má geta að bóndinn og sérann tóku ágætis göngu um knæpur borgarinnar hér í vikunni og ræddu málin fram og aftur. Niðurstaðan af þeim þönkum félaga var sú að mjólk er góð!!!!

En enn og aftur skal ég yfirgefa mitt föðurland og er ferðinni heitið til Búlgaríu og skal sitja þar ráðstefnu um jafnréttismál stúdenta í evrópu svo og einn afspyrnu skemmtilegur aðalfundur þar sem maður situr ósofinn og sveiflar um sig fáránlegu gulu spjaldi sem tákn um “greitt atkvæði” Eða þá að maður er bara fúll á móti og hreyfir ekki við skrattans gula miðanum. Ferðalagið hefst stundvíslega frá ættarsetrinu klukkan fimm í fyrramálið og eins og lög gera ráð fyrir mun ég vera komin til Sofia annað kveld. Heim verður svo aftur komið á mánudegi þeim 19.maí og í gvöðana bænum ekki hringja í bóndann þann daginn!!!!! Út af sotlu!!

En kæri lesandi!! Ég óska þér gleðilegrar kosninga (plís,plís,plís) og njóttu veðurblíðunnar (þangað til það fer að rigna aftur), passaðu þig á bílunum og mundu: Mjólk er góð!!

Bið að heilsa í bili og ég mun reyna af veikum mætti að rita hér inn örfáar línur frá Búlgaríu (ef ég finn það á kortinu).