Satellite Internet Service
Hit Counter

4/09/2003

Haldið þið að það sé ekki fjörfiskur í vinstra lærinu!!!
.........upp með rækjurnar og spínatinn!!!

Nei, nú get ég ekki þagað lengur!!!
Settist niður fyrir stuttu ásamt litla frændanum og ætlaði nemandinn í uppeldisfræðum aldeilis að horfa á barnaefnið með pollanum. Var stillt á Tomma og Jenna og fór um undirritaða sælustraumur sem minnti á hennar eigin æsku þar sem legið var yfir slíku “hágæða” barnaefni. En þar sem ég sat og dásamaði snilld þeirra félaga leið nú á þáttinn og fóru þá að renna á mína tvær grímur. Þar sem þátturinn fjallaði um slagsmál Tomma karlsins við einhvern karlfugl um Jenna greyið byrjaði skemmtunin vel. En svo fór nú að síga á ógæfuhliðina hjá Tomma í þessum efnum og brá hann á það ráð að heilla karlfuglinn upp úr skónum með því að þykjast vera kvenfugl. Með skýlu um mittið, fölsk augnhár og (aðal trixið) með sóphaus á rassinum svo hann næði nú fjaðursveiflu kvenfuglsins. Eitthvað fór leikar úrskeiðis og endaði þátturinn á því að karlfuglinn varð þetta litla ástfanginn af kettinum (dulbúnum sem kvenfugl) og er endasenan á þá leið að karlfuglinn situr hamingjusamur upp í tré, í sólarlaginu, og kötturinn Tommi upp í trénu líka, sitjandi á eggjum...frekar fúll.
Hvurslags hugmyndafræði er þetta!!!!!!!! Ég átti nú bara ekki til orð og lág við að ég gripi fyrir augu pollans sem sat galvaskur við hlið mér.
Ég meina hvað er það að köttur sitji á eggjum!!!!!!! Með sóp á rassinum????????Átti þetta að vera fyndið???? Eða er ég bara að verða of meðvituð?????

Svei mér, held ég pakki mér bara niður í kassa og sendi mig aðra leiðina til Tálknafjarðar - ætli það sé fært?

4/07/2003

“Kvöldið er fagurt, sól er sest og sefur fugl á grein...”

Þetta samdi skáldið um árið og hafa bændur sungið í aldanna rás.

Helgin leið hljóðlega hjá. Rólegheit í Höfðastað þó með örlitlu innliti í næturlíf stórborgarinnar á laugardagskvöldi. En það innlit leið einnig hljóðlega hjá og einkenndist af bjórsötri á pöbbarölti og umræðuefnið lífsins gagn og gaman. Dagurinn í dag var einnig afskaplega hljóðlegur. Lítt spennandi, verkefnavinna ofan á verkefnavinnu. Afskaplega andlaust umhverfi bóndans þessa daganna. Helstu fréttir eru kannski þær að Höfðabóndinn bíður spenntur eftir helgarsögu K.Mogans en fréttist af karli í sumarbúðarsvalli um helgina.

Snúðurinn minn, hún Stella, er horfin af Íslandsströnd og eflaust lent í suðrænu umhverfi Ítalíuhrepps. Má benda á að hér á þessu bloggi hefur verið bætt við snillingana þar sem Snúðurinn er komin með blogg og er vita nauðsynlegt að kíkja á Stellusögu við og við og fylgjast með ferðalagi kappans.

“Þar sem að gróa gullin blóm, þú gefur heitan koss....”

Lífið er lukka